Mbrëmjen e kaluar i është vendosur tritol në banesë kreut të Federatës Shqiptare të Futbollit, Armando Duka. Për fat të mirë, veç dëmeve materiale nuk ka persona të lënduar.
Deri më tani nuk ka persona të shoqëruar. Në pamjet e siguruara nga mediat shihen qartë dëmet e shkaktuara në derën kryesore të banesës si dhe perimetrin e sigurisë së vendosur nga efektivët. Këta të fundit, ndodhen akoma në vendin e ngjarjes dhe po ruajnë banesën.
Mësohet se janë sekuestruar pamjet e kamerave të sigurisë te banesa e Dukës, ku pritet dhe të hidhet dritë më tepër mbi dinamikën se si ndodhi ngjarja.
