Kryebashkiaku i Tiranës, Erion Veliaj ka bërë një mbledhje urgjente me Presidente të Shoqatave Sportive të Tiranës, ku ka lëshuar një sërë akuzash në drejtim të FSHF-së, madje tha se nesër do të depozitohen dy kallëzime, një për sekretarin e Përgjithshëm të FSHF-së dhe një për sekretarin e shoqatës.
Për ata që e akuzojnë se politika po ndërhyn në sport, Veliaj u shpreh se është i përfshirë si aksioner dhe se kjo çështje nuk ka lidhje me politikë.
Veliaj tha se Duka dhe klani i tij mafioz nuk mund të mbajnë peng sportin ndërsa akuzoi institucionet se në këto 20 vite nuk kanë bërë drejtësi.
“Meqë kishte shumë nga ata që u skandalizuan me atë që u thanë një grup çunash duket qarte që ai nuk loz futboll, dhe kërkoj ndjesë për këdo që është ofenduar, por nuk i heq asnjë presje çfarë do gjëje që kam thënë. Unë flas më rëndë ndaj padrejtësive në TV sesa në një muhabet shokësh. Ku isha unë? Ku erdhën këta alinë. Nesër do bëjmë dy kallëzime, për sekretarin e përgjithshëm të FSHF dhe sekretarin e përgjithshëm të Shoqatës. Do i bashkohet vandakut të madh që ka kapur prokuroria. Sot të gjithë zgjedhin zgjedhësit, ndërsa këta zgjedhin zgjedhësit dhe i vënë si vezët te bikerina. Ky është falsifikim. Do të shkojnë në burg! Është e pafalshme! do shkojnë në burg. Kjo është kriminale. Disa njerëz do bëjnë burg për këtë çështje. Kjo është arsyeja që jemi mbledhur sot. Shoh që kemi më shumë se 20 shoqata prezente.
24 nga 41 shoqata, pra kemi shumicën dërrmuese të njerëzve që kanë krijuar këto shoqata dhe jo delegatët që gjejmë kur shkojmë atje. Asambleja e sotme ka për qëllim të vijojë punimet me një shumicë të qartë të gjithë anëtarësisë. Ne fatet tona do ti marrim në dorë vetë, votimin tonë do ta bëjmë vetë dhe këtë fushatë do ta çojmë deri në fund për çdo djalë dhe vajzë që nuk e sheh këtë si tregti skllevërish. Ky është një premtim dhe jo kërcënim. Kur e drejta dhe të drejtët bëhen bashkë nuk ka asnjë klan mafioz që na ndalon në rrugën tonë.
Për të gjithë ata që ulërasin për përfshirjen e politikës , jam këtu si aksioner , por nuk mundet që kjo fushë të jetë gropë e zeze dhe kjo është arsyeja që asambleja thirret nga ata që kanë emrat në gjykatë. Në finale dua t’ju ftoj që kështu siç jemi të bashkuar teksa po rikthehet vëmendja në shpartallimin e kësaj bande mafioze…këtu thonë mos u ngatërroni me politikë. Institucionet janë të vonuara janë 20 vjet me vonesë. Unë jam kthyer kur Duka dhe mafia e vet u zgjodhën për herë të parë, kam ndërruar gjashtë punë deri tani. Sot është vetëm fillimi dhe sot ne do të marrim vendimet si shumicë absolutet dhe do t’ja prezantojmë organeve të drejtësisë dhe të jeni të sigurt se e drejta vonon për harron’, tha ndër të tjera Veliaj.
