Policia greke ka arrestuar një prift vetëm 37-vjeçar në Athinë pasi akuzohet se ka abuzuar seksualisht me një vajzë të mitur. Mediat greke bëjnë me dije se babai i dy fëmijëve, shërbente në kishë në lagjen Kato Patisia të Athinës.
Përdhunimi i vajzës ka ndodhur dy vjet më parë, kohë kur ajo ishte 15 vjeçe, por vajza e frikësuar i ka treguar tani prindërve, të cilët më pas kanë bërë denoncimin në polici.
Policia njofton se prifti ortodoks ka shfrytëzuar shkollën e Katekizmit për të qendruar sa më pranë vajzës duke e abuzuar seksualisht. Autoritetet greke bëjnë me dije se abuzimi me vajzën ka ndodhur brenda ambienteve të kishës.
