49 vjeçari nga kryeqyteti tregon si për 30 vite lëvizi pa patentë e nuk u kap asnjëherë

Ismail Krasniqi, një 49 vjeçar nga kryeqyteti i Kosovës, Prishtina, thotë se i jep makinës që prej moshës 13 vjeçare. Për mediat vendase, ka thënë se për 30 vite ka udhëtuar më makinë pa patentë dhe asnjëherë nuk është ndaluar nga Policia.

Ai ka treguar se për herë të parë është pajisur me leje drejtimi këtë muaj. Ai thotë se ishin kushtet financiare që ia kanë pamundësuar të marrë më herët patentë shoferin.

Ismail Krasniqi përgjatë 20 viteve të fundit thotë se ka punuar gjithandej, madje edhe taksist dhe fati mesa duket ka qenë në anën e tij.

“Kurrë asnjëherë nuk më ka dënua, asnjë dënim hiç asnjë s’e kam, as kurrë se kam dhanë…Hiç kurrë nuk më kanë ndalë, hiç nuk hi në tejkalim, kurrë nuk voziti palidhje, e mmbaj drejtimin tem”, ka deklaruar ai.

Përveç që ka ngarë rrugëve të Kosovës, Krasniqi thotë se këtë e ka bërë edhe jashtë vendit, edhe atje pa patentë.