Acari “pushton” vendin/ Temperaturat zbresin në -18 gradë, njihuni me zonat ku do të ngrijë gjithçka

Ditën e sotme ministrja e Arsimit Evis Kushi njoftoi se javën e ardhshme, duke filluar nga e hëna deri të mërkurën, shkollat në të gjithë Shqipërinë do të mbyllen.

Vendimi u mor për shkak të motit  ekstrem ku temperaturat do të shkojnë deri në -17 gradë  celcius.

Por si parashikohet moti për sot dhe javën në vazhdim?

Siç raportohen edhe stacionet meteorologjikë rajonale, pritet që temperaturat në Shqipëri të zbresin deri në -18 gradë Celsius në zona si Bulqiza apo Puka, ndërsa termometri në Tiranë pritet të zbresë deri në -8 gradë Celsius.

Termometri pritet të zbresë afër zeros edhe në zonat bregdetare si Durrësi, ndërsa në Vlorë priten temperature deri në -1 gradë Celsius.

Kulmi i temperaturave të ulta pritet të jetë dita e hënë.