Presidenti Ilir Meta ka dekretuar 6 marsin si datë për zhvillimin e zgjedhjeve të pjesshme lokale, në 6 bashki.
Në një intervistë për emisionin “Opinion”, Meta është shprehur se po të dekretonte sot datën e zgjedhjeve të pjesshme lokale do të ishte 27 shkurti nëse do i dekretojë nesër do të jetë data 6 mars, duke sqaruar edhe ndarjen në 2 data.
E gjitha varej nga një përgjigje e Gjykatës Kushtetuese për vakancën në Bashkinë e Lushnjes.
Megjithatë në fund të emisionit Meta ndau dhe mendjen duke vendosur përfundimisht se zgjedhjet në 6 Bashki të vendit do të zhvillohen më 6 mars, ashtu siç edhe u kërkua gjatë takimeve që zhvilloi paraditen e sotme në Presidencë.
“Dekretoj 6 marsin si datë të zgjedhjeve te pjesshme lokale,”-vendosi kreu i shtetit.
