“Ende nuk janë rritur plotësisht”, Isaj tregon se pritet rritje e mëtejshme çmimesh

Brunilda Isaj, këshilluese për financat personale, deklaroi në studion e “A2 Business” me Aurora Sulçen, në A2 CNN, se rritja e çmimeve do të vazhdojë.

“Produktet e shportës kanë një rritje të ndjeshme, rreth 5-6%. Edhe komoditetet kanë pësuar rritje të ndjeshme. Kjo ishte situatë e pritshme, pasi janë rritur çmimet në tregun ndërkombëtar. Madje, në vendin tonë nuk është parë ende rritja e plotë e çmimeve”, u shpreh Isaj.

Sipas saj, për të frenuar abuzimet, “institucionet mund të marrin indicie nga tregu dhe të studiojnë tendencën”.

“Rritja e çmimeve fut në varfëri ata që ishin në pragun e saj. Dhe në shtresën e mesme kemi ndryshime, janë hequr udhëtimet për shembull. Nëse gjatë pandemisë ka pasur hezitim për shkak të pasigurive, tashmë burimet financiare përdoren për zërat që janë më jetikë”, theksoi Isaj.a2