“Ja si devijohet qarkullimi” Nis faza e dytë e punimeve Qafë Kashar-Rinas, ARRSH jep njoftimin

Përfundon faza e parë e punimeve në Qafë Kashar-Rinas.

Autoriteti Rrugor Shqiptar ka njoftuar se nesër do të fillojë puna me fazën e dytë dhe informon për mënyrën se si do të devijohet qarkullimi i mjeteve.

Nesër fillon puna me fazën e dytë: UNIVERSITETI EPOKA–RINAS AEROPORT.
Punimet në këtë segment do të vazhdojnë për 10 ditë.

Mjetet që lëvizin në drejtimin Qafë Kashar-Rinas drejtim të aeroportit do të devijohen në autostradë në drejtimin Qafë Kashar–Vorë-Rinas.

Faza e dytë e punimeve do të jetë nga Universiteti Epoka–Rinas aeroport do të punohet në të dyja korsitë. Mjetet do të devijohen nga Qafë Kashari-Universiteti Epoka ndërsa nga Epoka deri në Rinas Aeroport do jetë e bllokuar.

Mjetet do të shfrytëzojnë edhe rrugët dytësore për në Dalje Autostradë-Drejtimi Durrës.
Si në Fazën e parë dhe në fazën e dytë të gjitha lëvizjet hyrëse dhe dalëse në Aeroportin e Rinasit do të bëhen në drejtimin nga Rinasi (Aeroporti–K/Rinas (Ahmetaq)–Vorë–Tiranë-Durrës dhe anasjelltas).