Del ekspertiza/ Ja cili është shkaku që 3-vjeçarja humbi jetën në spitalin e Elbasanit

Vogëlushja 3-vjeçare që humbi jetën mëngjesin e sotëm në spitalin e Elbasanint ishte paraqitur atje në gjendje të rëndë shëndetësore.

Burime nga spitali bëjnë me dije se e mitura ishte me një nivel oksigjeni 46, dhe prej kësaj gjeje nuk ka mundur të shpëtojë dot.

Pas ekspertizës është konstatuar edhe shkaku i vdekjes së fëmijës, i cili është pneuomonia bilaterale dhe insuficenca kardiorespiratore.

Ky është edhe shkaku se përse fëmija është paraqitur në spital me një nivel oksigjeni tepër të ulët.

Më herët, babai i vajzës tha për mediat para ambienteve të spitalit se e mitura kishte 8-9 ditë sëmurë dhe pas vizitës mjeku i kishte thënë se bëhej fjalë për një virozë. Ai tha se e kishin sjellë vajzën me buzë të nxirë në spital.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

“Vajza nuk ishte sëmurë asnjëherë. Para një jave pati problem shëndetësore dhe e dërguam në spital. Mjeku na tha që ka virozë. Dje u përkeqësua sërish dhe e sollëm në spital. I bën sërum dhe na vdiq. Kishte 8-9 ditë sëmurë me të njëjtën gjëndje. Nuk e kuptoj as vetë se si ndodhi kjo”, tha ai.