LIGJET E BIZNESIT
Këngëtarja e njohur Ronela Hajati do të përfaqësojë Shqipërinë në Eurovizion, me këngën “Sekret”. Fitorja e saj në Festivalin e 60-të i Radio Televizionit Shqiptar solli diskutime e kritika të mëdha. I fundit që e ka komentuar këtë ka qenë këngëtari Robert Aliaj. Me keqardhje, ai e ka cilësuar këngën e Ronelës një muzikë tallava që do na përfaqësojë në Eurovizion.
“Më vjen keq që tallavaja jonë me Ronela Hajatin shkon në Eurovizion. Nuk mundet që një minoritet që t’i japë sens gjithçkaje. Festivali europian nuk përbën status, ama është një urë që mund të japë mundësi. Sa i përket veshjes sime, mund të them se veshja tregon shumë për personalitetin, janë copëza të vogla, por me kuptime të mëdha. VIP-at në Shqipëri vetëm marrin nga adhurimi që jep publiku dhe nuk japin në aspektin social. Unë jam i lirë, e të jesh i lirë do të thotë që opinionin publik ta barazosh me zero, jo se nuk i kushtoj rëndësi, por se përpiqem që të bëjë shumë për publikun në aspektin social”, –deklaroi Aliaj.
Kjo nuk është kritika e parë që këngëtarja merr, pasi më parë edhe këngëtari Stefi Prifti u shpreh se teksti nuk përcjell asnjë lloj mesazhi dhe kënga kurrësesi nuk duhet të merrte çmimin e parë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
