LIGJET E BIZNESIT
Zhvillime intensive nga zona e “5 majit” në kryeqytet. Banorët po protestojnë prej kohësh për të mbrojtur banesat e tyre nga projektet e qeverisë dhe bashkisë. Forca të shumta policore kanë zbarkuar në zonë, mëngjesin e sotëm.
Dhjetëra policë po shoqërojnë po ashtu edhe mjetet e rënda. Sakaq, banorët këmbëngulin se nuk do të dalin nga shtëpitë e tyre.
Policia ka shoqëruar me forcë edhe disa banorë që kanë niusr të mblidhen për të kundërshtuar aksionin.
IMT-ja ka vendosur shembjen e dhjetëra shtëpive në zonën e “5 Majit”. Nuk u arrit asnjë marrëveshje me banorët.
Mësohet se policia ka bllokuar çdo hyrje në zonë. Ndërkohë, në zonën e rrethuar nuk lejohen banorët as mediat.
