LIGJET E BIZNESIT
Zbardhet dëshmia e biznesmenit Lulzim Masha, administratorit të shkollës “Wilson” , i cili u qëllua sot në makinën e tij teksa ndodhej në zonën e “Liqenit të Thatë” në Tiranë.
Mësohet se ai i ka parë lëvizjet e autorit që shkrepi armën, duke thënë se nuk e njihte.
“Ishte një i ri në moshë, rreth 1.75 i gjatë. Esmer në fytyrë dhe me mjekër. Mendoj se ishte i moshës 25-vjeç. Nuk më ka komunikuar asgjë, vetëm ka qëlluar dhe është larguar menjëherë. Kam lëvizur makinën disa metra nga vendi i ngjarjes dhe kam kontaktuar policinë. Ka qenë në këmbë kur më doli përpara dhe është larguar në këmbë”, ka rrëfyer 63-vjeçari në polici.
Drejt makinës së Mashës është qëlluar me tre plumba, ku dy prej tyre e kanë kapur automjetin.
Arma e përdorur është e kalibrit të vogël, jo silenciator.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në momentin që është qëlluar, Masha ka qenë duke drejtuar makinën e tij me të cilën udhëtonte i vetëm.
Autori ende nuk është identifikuar. Pasi ka qëlluar në drejtim të makinës tip Benz, ai është larguar në këmbë.
Ngjarja ka ndodhur tek nënkalimi i Liqenit të Thatë, rruga kur shkon për tek pedonalia e liqenit. Në video shihen pamje nga vendi ku ndodhi krimi.
