Erdogan largohet nga Shqipëria! Policia e Shtetit: Nuk ka pasur asnjë incident

Presidenti turk, Erdogan ka përfunduar vizitën dhe është larguar nga Shqipëria.

Policia e Shtetit përmes një njoftimi për mediat, njofton se vizita e presidentit turk Recep Tayyip Erdoğan në vendin tonë ka përfunduar pa asnjë incident dhe tashmë të gjitha rrugët janë të hapura.

Njoftimi i Policisë

Falë masave të shtuara, profesionalizmit të shërbimeve policore dhe të Gardës së Republikës, si dhe qytetarisë së treguar nga përdoruesit e rrugës, ka përfunduar pa asnjë incident, vizita e presidentit të Turqisë Recep Tayyip Erdogan. Policia e Shtetit falënderon të gjithë drejtuesit e mjeteve dhe qytetarët, për mirëkuptimin dhe bashkëpunimin që treguan duke iu përgjigjur thirrjes së bërë nga Policia, dhe për zbatimin me korrektësi të udhëzimeve policore.