LIGJET E BIZNESIT
Në konferencën e përbashkët me kryeministrin Edi Rama, presidenti turk Recep Tayyip Erdogan është pyetur nga një gazetare nëse duhet të shqetësohet Bashkimi Europian për mbështetjen që ai po i jep Shqipërisë.
Erdogan u përgjigj se çdo gjë e kanë bërë në kuadrin e vllazërisë.
Pyetje: Mbështetja që i keni dhënë Shqipërisë nuk krahasohet me asnjë vend tjetër në Ballkan, a duhet të shqetësohet BE? A merrni gjë mbrapsht, aludohet shpesh për marrëdhëniet me Ramën?
Erdogan: “Ah ç’më bëre me këtë pyetje, në Turqi sidomos në futboll thonë më zure ngushtë. Megjithatë nuk jam i kapur ngushtë. Rregullat e vëllazërisë janë të ndryshme. Ne po flasim për marrëdhënien pas tërmetit, është sipas rregullave të vëllazërisë, të gjitha me këtë rregull i bëjmë. Po ashtu, do të vazhdojmë restaurimet dhe mos kërkoni asgjë më pak. Ne jemi vëllezër. Çfarë do të ndodhë? Mos e bëni fare si pyetje. Asnjëherë mos e vini në mëdyshje.
Rama: Kur po kthehsha nga Laçi më bëri për të qeshur komenti i një qytetari që thoshtë që nuk je mysliman, se kaq shumë që rri me Erdogan, kushedi ç’do të të thonin. Në fakt jam katolik, gjysmën më të mirë e kam myslimane. Nuk besoj se kushdo qoftë në Shqipëri, duhet të shqetësohet për këtë marrëdhënie. Është tradicionale. Edhe në kohën kur Shqipëria ishte një vend shumë i mbyllur prapë marrëdhënia me Turqinë ishte aty. Kur vjen puna tek unë dhe Erdogan, nuk ka asgjë për t’u shqëtësuar. Janë për të qeshur shumë. Unë nuk di një qeveri tjetër përveç asaj të Erdoganit, që të jetë mbledhur në sesion të jashtëzakonshëm për të ndjekur punimet e parlamentit të Kosovës dhe për ta njohur Kosovën që në atë moment.
