Prej 10 ditësh banorët e lagjes “Meteora” në Selanik po përjetojnë një fenomen të çuditshëm.
Ata janë mbledhur në qendër të lagjes dhe kanë treguar për mediat se çdo natë dëgjojnë një zhurmë misterioze që vjen nga toka, e cila ka tërhequr vëmendjen e të gjithëve.
“Zhurma dëgjohet zakonisht natën dhe sidomos pas orës 12. Duket sikur dikush gërmon nëntokë, por nuk na kanë shpjeguar ende se për çfarë bëhet fjalë”, tregojnë banorët.
Ata kanë publikuar në rrjetet sociale edhe video nga momenti i zhurmës, video e cila ka marrë komente të ndryshme.
Zhurma dëgjohet në një perimetër prej rreth 1 kilometri, ndërsa banorët kanë dalë nga shtëpitë mbrëmjen e kaluar duke kërkuar zgjidhje për ankthin që iu ka shkaktuar.
