Saimir Tahiri në GJKKO/ Dështon sërish seanca ndaj ish-ministrit, zbardhet arsyeja

Shtyhet sërish seanca e sotme gjyqësore ndaj ish-ministrit të Brendshëm Saimir Tahiri.

Shkak është bërë mosparaqitja e dy prokurorëve specialë të SPAK, Vladimir Mara dhe Dritan Premçi.

Gjyqi i caktuar për sot në Gjykatën e Posaçme të Apelit nuk është mbajtur sepse Mara dhe Premçi janë infektuar me Covid-19. Në GJKKO Tahiri do të gjykohej nga tre gjyqtarë të cilët kanë ardhur nga rrethet dhe nuk janë pjesë e trupës së Apelit të Posaçëm.

Ish-ministri dhe avokati i tij Maks Haxhia kanë shkuar në sallë, por kanë dalë prej andej shumë shpejt sepse janë njoftuar se gjyqi nuk do të bëhej, ngaqë dy përfaqësuesit e organit të akuzës mungonin, për shkak se janë prekur nga Covid-19.

Seanca e radhës është caktuar të mbahet më datë 31 janar 2022.