Parashikimi i motit për ditën e sotme, e diel 16 janar 2022

Moti parashikohet të nisë i kthjellët në zonën e qendrës dhe atë të veriut si dhe vranësira mesatare deri të dendura në zonën e jugut.

Deri në orët e mesditës në zonën e jugut do të ketë reshje shiu të herëpashershme me intensitet të ulët.

Shërbimi Meteorologjik Ushtarak njofton se në relievet kodrinore-malore në lartësitë mbi 500 metër do të ketë reshje bore.

Pas orëve të mesditës, do të ketë mot të kthjellët në të gjithë territorin me vranësira të pakta kalimtare.

Era do të fryjë me drejtim verilindje – veriperëndim mesatare deri e fortë dhe me rrahje në bregdet, zonat e ulta pranë tyre dhe zonat luginore duke u pasuar nga valëzim i forcës 2 deri 4 ballë kryesisht në Jon.

Të pranishme ngricat e forta në akse rrugore.