Prokuroria belge ka dërguar edhe një letërporosi të dytë në drejtim të homologëve të saj shqiptar në lidhje me çështjen e “Toyota Yaris”.
Mësohet se belgët kërkojnë sekuestrimin 3.4 milionë eurove dhe kërkojnë pyetjen e 4 të arrestuarve. Pas kësaj letër porosie të dytë ka ardhur edhe reagimi i kreut të Partisë Demokratike.
Mësohet se Basha është shprehur i gatshëm të jap dëshminë e tij në lidhje me këtë çështje. Kryedemokrati shpreh gatishmërinë e plotë për të kontribuuar në hetimet e autoriteteve të drejtësisë belge.
“Zoti Basha është shprehur i gatshëm të dëshmojë për të ndihmuar në zbardhjen e lidhjeve kriminalo-politike në aferën e pastrimit të miliona eurove me garanci politike të përfaqësuesve të lartë të pushtetit”, thanë burimet nga Partia Demokratike.
Basha paralajmëroi i pari vitin e shkuar në Parlament për ardhjen e sasive të mëdha të parave nme “Toyota Yaris”.
