Dëshmia e reperit/ U ndalua si mbështetës i Berishës, ja çfarë ka thënë Stresi në polici

Personat e arrestuar nga policia, të konsideruar si mbështetës të ish-kryeministrit Sali Berisha, kanë mohuar faktet që janë përfshirë në protesta të dhunshme para selisë së Partisë Demokratike më 8 janar.

Reperi Arkimed Lushaj, i njohur ndryshe si Stresi, i pyetur si person nën hetim ka deklaruar se nuk e pranon akuzën pasi nuk ka kryer asnjë vepër penale nga ato që policia i ka listuar.

Ai ka marrë pjesë në protestë, por nuk ka kryer asnjë veprim të kundraligjshëm. Ai shprehet se nuk e kupton arsyen e arrestimit në kushtet kur nuk ka kryer asnjë vepër penale e veprim të kundraligjshëm.