“Edhe nëse janë të vaksinuar…” Ministria e Jashtme publikon rregullat për shqiptarët që udhëtojnë në Greqi

Ditën e sotme Ministria për Evropën dhe Punët e Jashtme njoftoi se Greqia ka vendosur të shtyjë masat aktuale anti-C OVID19 deri më datë 24 janar 2022.

Kështu, mësohet se të gjithë shtetasit shqiptarë që udhëtojnë drejt shtetit fqinj, pavarësisht kombësisë, pavarësisht në qoftë se janë vaksinuar apo kane qenë të diagnostikuar me virusin, janë të detyruar të paraqesin:

Test negativ PCR, kryer brenda 72 orëve, përpara udhëtimit.
OSE
Test të shpejtë antigjenik, kryer brenda 24 orëve para udhëtimit.

Të gjithë udhëtarët që hyjnë në territorin e Republikës së Greqisë, duhet të plotësojnë formularin elektronik PLF (Passenger LocatorForm), në adresën elektronike   https://travel.gov.gr, me të dhënat e tyre të kontaktit në Greqi, përpara mbërritjes.

Masa vlen për të rriturit dhe fëmijët mbi 5 vjeç, pavarësisht nga vaksinimi.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Pikat kufitare të Kakavisë, Kapshticës dhe Qafbotës funksionojnë gjatë 24 orëve. Pika kufitare e Tre Urave funksionon nga ora 08:00 deri në orën 20:00.