Shpejtim Arifi është trajneri i futbollit të skuadrës së Persepolisit në Iran. Por, ai është bërë i njohur pasi është ndaluar nga policia për një arsye epike. Shqiptari mban flokë të gjatë dhe policia kishte menduar se ishte vajzë. Për këtë fakt edhe është gjobitur, pasi nuk mbante të vendosur një hixhabi.
Ky rast është bërë viral, duke shkaktuar edhe shumë të qeshura tek të gjithë.
“Ne kemi policinë e trafikut dhe të moralit, në këtë rast ishte e hixhabit për gratë. Unë isha me një mikun tim me makinë dhe diku 15 më vonë pasi ne kishim dal pam një gjobë se pse nuk kishim vënë hixhab. Ne filluam të qeshnim se nuk kishte asnjë zonjë. Ata nuk panë që ne kishim mjekër.
Unë kam 10 vjet që jetoj në Iran dhe drejtoj skuadrën e Persepolis. Nuk ka asgjë të veçantë të mbash flokë të gjatë se jetojmë në 2022. Familja ime jeton në Preshevë dhe çdo herë që kthehem, babai im më thotë: ‘Shpejtim tani je i rritur, besoj se duhet t’i presësh flokët e gjata. Je burrë dhe nuk je më grua”, rrëfeu Arifi për “ABC e Mëngjesit”.
