“Vijmë me përgatitje më serioze herë tjetër”/ Ç’paralajmëron Berisha?

Ish-kryeministri Sali Berisha tha në Euronews se do të ketë protesta të tjera, madje herës tjetër do të përgatiten më mirë.

Berisha tha gjithashtu se’njerëzit e Bashës’ kishin armë me vete.

Sali Berisha: Shkuam për të nxjerr jashtë selisë vrasësit, banditët. Për të nxjerr nga zyra butësisht jo me të prekur, deputetin Lulzim Basha. Këto të dyja ishin qëllimet. Qëllimi maksimal nuk u arrit. Ishte gazi që nuk përballohej në ambientet e brendshme. Ata dispononin të gjitha mjetet që disponon policia e ndërhyrjes së shpejtë.

Dispononin pistoletë neuroparalizuese. Dispononin bomba gazi, bomba shurdhuese. dispononin bomba tymuese Pajisjet anti-gaz gjenden me vështirësi, ndaj do bëhen përgatitje më serioze herën tjetër dhe shtëpia do pastrohet nga vrasësit dhe trafikantët.