Aktori Donald Veshaj, pjesë e spektaklit “Big Brother VIP” ka folur rreth vendimit të tij për ti dhënë fund lidhjes disa vjeçare së dashurisë me moderatoren Bora Zemani dhe nisjen e një historie së re me këngëtaren Beatrix Ramosaj.
Gjatë një bisede me gazetaren nga Kosova Egzona Rafuna, e cila është dhe një nga konkurrentet më të reja brenda në shtëpi, ai u shpreh se e respekton shumë ish-partneren, por la të nënkuptohej se nuk është ndjerë i vlerësuar nga ajo gjatë kohës që ishin bashkë.
Ai tregoj se janë rikthyer disa herë, por vjen një moment që njeriu lodhet dhe gjërat nuk kanë më kuptim.
“E respektoj vërtet, thjesht unë dhe gjërat që i di unë e shumë pak veta, s’ka pse dikush që është jashtë të ndihet keq me këtë situatë. Unë jashtë isha, nuk isha këtu brenda. S’më bëri Big Brother ky njeri që jam, s’duhet të më vlerësojë njeri se jam këtu brenda, jashtë isha. Njeriu vlerësohet sa e ke se në momentin që ikën, ndoshta nuk kthehet më. Vjen një moment që lodhesh, je kthyer, je kthyer dhe thua s’ka më kuptim”, tha aktori.
