“U ngjita sepse…” Përse hipi te shkallët e PD? Protestuesi i Berishës bën deklaratën epike në polici

Një nga të shoqëruarit e policisë pas protestës së mbështetësve të Sali Berishës në selinë blu, ishte dhe Fatmir Merkoçi.

Ky i fundit u filmua teksa ngjiste shkallët për në katin e dytë të godinës.

Në lidhje me këtë fakt Merkoçi është pyetur nga hetuesit për arsyen që ka ndërmarrë këtë veprim, ku ka dhënë një përgjigje “epike”.

Duke folur në “ABC live”, Merkoçi deklaroi se para hetuesve ka se në shkallë ngjitet edhe kur digjet një llampë dhe nuk kishte si të mos ngjitej në shkallë kur sipas tij është “djegur” kryetari i PD.

“Unë ngjitem në shkallë kur duhet të ndërrojë llampën e djegur…në seli u ngjita në shkallë se na është djegur kryetari” është shprehur Merkoçi.

Në Komisariatin e Policisë:

– Zoti Fatmir Merkoci, jeni thirrur për të deponuar se çfarë donit në majë të shkallëve tek selia e PD-së.

– Zoti hetues, keni parasysh kur digjen llampat dhe perdoren shkallët për ti ndërruar meqense janë lart!

– Ç’lidhje ka kjo?

– Unë u ngjita me shkallë të ndërroj kryetarin qe rrinte në kat të dytë , se është djegur!