Në datëlindjen e Borës, në shtëpinë e Big Brother shkojnë 3 parashuta për Donaldin (Mesazhi)

Fluturimi i parashutave mbi oborrin e shtëpisë së “Big Brother VIP” është kthyer në  refren, ndonëse për njëfarë kohe u ndaluan nga “Vëllai i Madh”.

Disa parashuta mbërrijnë pothuajse çdo ditë me mesazhe të ndryshme për banorët nga fansat apo familjarët e tyre. Mirëpo, deri më tani nuk kishim parë tre parashuta njëkohësisht dhe për një banor.

Këtë e kanë realizuar sot një nga ish-fituesit e “Big Brother VIP”, Anaid Kaloti, dhe Kledi për Donaldin. Së bashku me disa fansa ata i kanë dërguar aktorit të njohur tre balona.

Në njërën shihet fotoja e Spiderman duke u puthur me MJ, në njërën shkruhet “Bota është e jotja, Donaldi demi. Jepi gaz” dhe në njërën prej tyre shkruhej “Dashuria nuk duhet të jetë kurrë një sekret”. SHIKO VIDEON

Ata kanë publikuar pamjet në rrjetet sociale duke treguar haptazi mbështetjen e tyre te madhe për Donaldin, gjë që është pritur mjaft mirë nga vlonjati.

Nga ana tjetër, përdorues të ndryshëm të rrjeteve sociale shkruajnë se këto parashuta kanë qenë një mesazh i koduar pasi sot Bora feston ditëlindjen. Anaidi ka qenë një nga personat që e ka mbështetur këto kohë moderatoren dhe ka dalë hapur kundër lidhjes së Donaldit me Beatrix.

Megjithatë, as Anaidi dhe as Kledi nuk kanë pohuar diçka të tillë. Në këto kushte ka shumë vend për interpretime të ndryshme.