Lajm i fundit/ Burri ekzekuton ish-gruan në Vaun e Dejës

Krim i rëndë në një familje në Vaun e Dejës. Një burrë ka vrarë me armë zjarri ish-gruan e tij.

Ngjarja ka ndodhur para pak çastesh, teksa mësohet se viktima është Xhuliana Topalli, 40 vjeçe. Policia e Shkodrës ka shkuar menjëherë në vendin e ngjarjes dhe ka rrethuar zonën.

Njoftimi i Policisë

Më datë 09.01.2022, rreth orës 16:44, në fshatin Nenshat, Bashkia Vau i Dejës, në rrethana ende të paqarta shtetasi N. H., rreth 50 vjeç, dyshohet se ka vrarë me armë zjarri ish-bashkëjetuesen e tij, shtetasen Gj. T., 40 vjeçe.

Shtetasi N.H pas krimit dyshohet se ka tentuar të vrasë veten dhe për pasojë ka mbetur i plagosur dhe ndodhet nën kujdesin e mjekëve në Spitalin Rajonal Shkodër.

Grupi hetimor po vijon punën për sqarimin e rrethanave dhe zbardhjen e ngjarjes.