U eleminua nga publiku, Meridiani akuzon rëndë produksionin e Big Brother

I eleminuari i rradhës në shtëpinë e “Big Brother VIP” ishte Meridiani. Largimi i tij nga loja erdhi si pasojë e nominimit të bërë nga Donaldi, i cili kishte të drejtë të çonte në televotim tre banorë. Zgjedhja e tij ishte Iliri, Meridiani, dhe ai vetë.

Një nominim i tillë solli polemika dhe debate midis banorëve gjatë gjithë javës. Herë pas here Meridiani shfaqej kryesisht i pakënaqur nga ky vendim i Donaldit. Mesa duket, të tilla pakënaqësi kanë vazhduar ende, edhe pasi ish-banori doli jashtë emisioni.

Nëpërmjet disa story-ve në rrjete sociale, Meridiani ka akuzuar rëndë produksionin për mostransparencë në lidhje me votat e publikut.

Këtë gjë ai e ka komentuar sërish duke ripostuar në “Instastory” disa screenshots të komenteve në faqen zyrtare të “Big Brother VIP” që  kërkonin largimin nga gara të Donaldit.  Nga ana tjetër, ai ka publikuar  edhe mesazhe të ndjekësve të tij të cilët i dërguan prova të votave të tyre për të larguar Donaldin në numrin zyrtar të “Big Brother”.

“Sonte duhet të tregohen të drejtë dhe të respektojnë votat e publikut!!”- shkruan një ndjekës.

Ndërkohë, Meridiani nuk ka nguruar të rikthejë në vëmendje edhe debatin e tij të ashpër me Balinën. Ai ka ripostuar një story, ku e quan atë “pseudoanaliste” dhe riciton fjalët e ndjekësit:

“Kemi hy në gjynah që kemi thënë Donaldi Borës se ky paska qenë Donaldi i Balinës.”