LIGJET E BIZNESIT
Kryeministri Sali Berisha ka vijuar me prononcimin e tij para gazetarëve.
Pas protestës kaotike që u zhvillua sot në selinë blu, ai është pyetur nëse ka humbur ose fituar me atë që ndodhi.
Pyetje: Basha në seli ndërsa ju këtu. Keni fituar apo keni humbur?
Berisha: Selia e PD-së nuk është e PD-së por objekt i Ministrisë së Brendshme të narkoqeverisë. Nuk ka ndodhur kurrë në historinë e botës që një seli partie opozitare të pushtohet në këtë mënyrë nga qeveria. Është bunker personal i Lulzim Bashës. Natyrisht, protestuesit paqësor erdhën aty me qëllim për të çliruar selinë jo për t’u përballur me forcën e narko-qeverisë, sepse ata besonin që Policia nuk mund të ndërhynte kurrë në selinë e një partie politike.
Aty siç ishin ju dëshmitarë nuk ndodhi asgjë kërcënuese për asnjë njeri. Fakti që nuk ka një njeri të gërvishtur qoftë ne seli dhe qoftë nga forcat e rendit dëshmon se kjo protestë ishte paqësore. Në këtë aspekt është fituar jo pak. Nëse nuk është çliruar selia, do t’i marr hua shprehjen nje kolegut tuaj, Andi Bejtes ‘Lulzim basha u muros në muret e kryeministrisë’. Kjo është shumë. Një motiv më i madh për popullin opozitar.
Pyetje: Përveç protestave, strategji tjetër për të rimarrë PD-në?
Berisha: E patë sot kush ishte PD. U duk qartë dhe dua ta keni qartë se kjo parti mund ta faktojë dhe me mënyra shumë herë më të fuqishme por ka ndërmend t’i qëndrojë jodhunës, sepse Komisioni i Rithemelimit i beson fuqisë së jodhunës. Tani i kemi çift. Një çift i zi për jetën e shqiptarëve, çifti Rama Basha.
