Plagoset një person me armë zjarri.
Ngjarja ka ndodhur në Dimal, afër Beratit.
I plagosuri është shtetasi me iniciale E.F 36 vjeç, banues në Dyshnik. Autori është N.T. 50 vjeç, banues në fshatin Arrëz.
Sipas policisë sherri ka nisur në ambientet e një lokali në lagjen “4 shtatori”.
50-vjeçari pas sherrit ka marrë armën dhe ka qëlluar në drejtim të 36-vjeçarit duke e plagosur në këmbë.
Po sipas policisë i plagosuri pasi mori mjekim në spital është larguar drejt shtëpisë jashtë rrezikut për jetën.
Materialet i kaluan Prokurorisë së Rrethit Gjyqësor Berat për veprime të mëtejshme.
