Pas tre orësh dhunë, kaos dhe tensione, ish-kryeministri Sali Berisha ka vendosur të mbyllë protestën në selinë blu.
Ai është larguar së bashku me përkrahësit, pavarësisht tentativave për tu futur brenda në selinë blu.
Berisha tentoi dy herë të tjera për tu rikthyer në seli, por ishte policia ajo që i zmbrapsi.
Pasi erdhi përqark unazës dhe rrugës së Lanës, Sali Berisha është tërhequr pas një telefonate që ka marrë në celular, siç deklaruan burime mediatike që kanë qenë pranë tij në ato momente.
Nuk bëhet me dije se kush e telefonoi Sali Berishën, por direkt pas këtij komunikimi, ish-kreu i demokratëve, ka tërhequr turmën drejt banesës së tij nga ku njoftoi mbylljen dhe shpërndarjen e militantëve. Sali Berisha u pa gjatë gjithë kohës i fokusuar dhe shumë i shqetësuar në telefonin e tij pak para se të merrte vendimin për mbylljen e protestës.
