Pas ndërhyrjes së Policisë së Shtetit, kanë dalë dhe pamjet nga brenda selisë së PD ku ndodhen mbështetësit e Lulzim Bashës dhe deputetët që janë në mbështetje të kryetarit.
Gjatë pamjeve shihen qartë disa persona të cilët kaanë vështirësi në frymëmarrje për shkak të gazit lotsjellës që është hedhur.
Policia tashmë është future në katin e parë të selisë blu, për të shmangur dhunën në protestën e thirrur nga Sali Berisha, ndërsa është shoqëruar një person. Ndërkohë një grua, e pranishme në protestë është marrë nga ambulanca pasi është ndjerë keq.
Ata e hodhën gazin për të larguar protestuesit por po e vuajnë edhe vetë pasi një sasi e madhe gazi ka hyrë në ambientet ku po qëndronin.
