“Do mbani përgjegjësi” Tensionohet situata në selinë e PD, Yuri Kim lëshon thirrjen urgjente

Pas tensioneve të krijuara në selinë e Partisë Demokratike, ka ardhur dhe reagimi i ambasadores së SHBA Yuri Kim.

Në këto momente, mbështetësit e ish-kryeministrit Sali Berisha kanë shpërthyer derën kryesore duke u futur brenda.

“Shtetet e Bashkuara janë thellësisht të shqetësuara me rritjen e tensioneve në ndërtesën e selisë së Partisë Demokratike dhe përdorimin e forcës nga protestuesit. U bëjmë thirrje organizatorëve të protestës që të refuzojnë dhunën dhe të ushtrojnë qetësi. Ata që nxisin dhunën ose minojnë sundimin e ligjit do të mbahen përgjegjës”, thekson Kim në mesazhin e saj.