Teksa na ndajnë pak orë nga protesta që ish-kryeministri Sali Berisha ka thirrur para selisë së PD, lideri i kësaj force politike Lulzim Basha ka njoftuar se do të zhvillojë një deklaratë për mediat sot në orën 17:30.
Kujtojmë se sot në mesditë Berisha shkoi në selinë blu, teksa shoqërohej nga një grup deputetësh në mbështetje të tij.
Ata kërkuan të futeshin në godinë, por ishte e pamundur pasi dyert ishin të mbyllura.
Ish-kryeministri Berisha akuzoi kreun e PD-se Lulzim Basha se e ka kthyer selinë e PD-së “në bunker burg”.
Sipas Berishës, protesta e nesërme do te jete paqësore, ndersa perseriti se qendrimi i tij dhe mbështetësve nuk ka të bëjë me një zyrë apo një karrige, por me pluralizmin politik në vend.
Ndërsa sekretari i Përgjithshëm i PD-së Gazment Bardhi tha se deklaratat e Sali Berishës janë paralajmërime për akte dhune ditën e shtunë më 8 janar, kur është thirrur edhe protesta kombëtare nga ish kryeministri.
