Anëtarët e bandës djegin për së gjalli dy gazetarët e njohur

Një ngjarje e rëndë është shënuar në Haiti. Sipas mediave të huaja, dy gazetarë janë djegur të gjallë nga anëtarët e bandave. Një burim tha për mediat amerikane se banda e quajtur “Ti Makak” kreu vrasjet në lagjen Petion-Ville, në kryeqytetin e vendit Port-au-Prince.
Burimi tregoi se motivet dhe detajet e sulmit mbeten të paqarta.

Një gazetar i tretë arriti që të shpëtojë sipas burimit. Media haitiane “Radio Ecoute FM” konfirmoi se një prej gazetarëve të saj John Wesley Amady ishte vrarë në sulm, ndërsa ishte me detyrë për të dokumentuar mungesën e sigurisë në zonë. Në një deklaratë që media haitiane dha për “CNN” tha se gazetari u qëllua egërsisht dhe u dogj i gjallë nga banditët e armatosur.