Ka zgjatur rreth një orë vizita e zv.ambasadorit të SHBA në Tiranë Demian Smith në selinë e Partisë Demokratike.
Zyrtari i lartë amerikan është takuar dhe me liderin e kësaj force politike, Lulzim Basha.
I shoqëruar nga përkthyesja, zv.ambasadori ka hyrë nga dera anësore për në ambientet e brendshme të selisë blu.
Vizita vjen pak minuta pasi në selinë e PD kanë qenë dy grupe mbështetësish të ish-kryeministrit Sali Berisha, të cilët janë hasur me dyer të mbyllura dhe nuk kanë zhvilluar aktivitetin e parashikuar në selinë e PD, duke akuzuar kryedemokratin Lulzim Basha.
Mendohet se fokusi i bisedës së tyre kanë qene përplasjet e fundit mes demokratëve.
