Vendimi i PS për shkarkimin e Metës, përfundon Konferenca e Kryetarëve

Ditën e djeshme u mblodh kryesia e Partisë Socialiste dhe u vendos që të nisin procedurat për shkarkimin e presidentit Meta, pasi ky i fundit vendosi të anulonte datën 30 qershor për zhvillimin e zgjedhjeve.

Ndërsa sot PS ka mbledhur konferencën e kryetarëve në kryesinë e Kuvendit.

Në mbledhjen e kësaj konference është vendosur që ditën e enjte mocioni i debatit për shkarkimin e presidentit Ilir Meta ne seancen parlamentare do të zgjasë 5 orë.

Në kërkesën e bërë dje nga Taulant Balla për këtë mbedhje kërkohej zhvillimin e një debati parlamentar pas vendimit të Presidentit të Republikës për anulimin e datës së zgjedhjeve.

Dje në mëngjes Presidenti Ilir Meta firmosi zhdekretimin e zgjedhjeve të 30 qershorit, për shkak të krizës politike që po kalon vendi.

Opozita e ka mbështetur vendimin e presidentit, ndërsa nga ana tjetër mazhoranca nisi menjëherë procedurat për të shkarkuar Ilir Metën.