Policia e Kosovës ka njoftuar për një krim në familje që ka ndodhur një ditë më parë. Një grua ka raportuar se është sulmuar fizikisht nga bashkëshorti dhe vjehrra e saj.
“Viktima femër kosovare ka raportuar se pas një mosmarrëveshje në shtëpi ishte sulmuar fizikisht nga të dyshuarit bashkëshorti i saj mashkull kosovar dhe vjehrra e saj e dyshuara femër kosovare. Si pasojë viktima ka marrë trajtim mjekësor dhe pas intervistimit me tre fëmijët e saj për shkaqe sigurie me pëlqimin e saj është dërguar në strehimore”, thuhet në njoftimin e policisë.
Më tej, Policia thotë se i dyshuari pas intervistimit me vendim të prokurorit është dërguar në mbajtje, kurse e dyshuara nëna e tij është liruar në procedurë të rregullt.
