LIGJET E BIZNESIT
Ish-deputeti i opozitës së re Myslym Murrizi është kallëzuar në Prokurorinë e Tiranës nga Sektori i Krimit Ekonomik në Policinë e Shtetit.
Ai akuzohet për pastrim parash dhe fshehje të të ardhurave.
Ish-deputeti Murrizi, sipas policisë ka fshehur të ardhurat duke mos i deklaruar pranë ILDKPI-së. Murrizi akuzohet nga policia për dhjetëra transaksione bankare të pajustifikuara që shkojnë në shifrën prej 515 mijë euro.
Këto veprime ai i ka bërë me kompaninë “Murrizi 2009” dhe me individë të ndryshëm. Koha e transaksioneve që policia ka verifikuar si të pajustifikuara daton qysh prej vitit 2010 e në vijim.
Informacioni policor i është dërguar prokurorisë së Tiranës për të kryer hetime të mëtejshme. Sipas policisë, Murrizi është dënuar në 14 shtator 2006 me 3 vite burgim për akuzën e mitmarrjes, dënim i cili është konvertuar në shërbim prove.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
