Drejtuesit e automjeteve në Virxhinian amerikane u detyruan të kalonin natën në makina pasi një pjesë e autostradës kryesore u mbyll si pasojë e një stuhie bore që goditi zonën një ditë më parë.
Autostrada I-95, një nga korridoret kryesore të trafikut nga veriu në jug të SHBA, është mbyllur në të dyja drejtimet pranë qytetit të Fredericksburg, 89 kilometra në jug të kryeqytetit Uashington.
“Ekipet tona janë duke punuar në mënyrë aktive për t’i mundësuar të gjithëve të largohen nga 95. Planet janë duke u zhvilluar për t’i drejtuar automjetet e ndaluara në autostradë si rrugë të vogla aty pranë, në mënyrë që të mund të arrijnë rrugë alternative,” shkroi agjencia në llogarinë e saj në Twitter.
Bllokimi i trafikut filloi ditën e hënë pasi ranë 30 centimetra borë në pjesë të Shteteve të Bashkuara jugperëndimore dhe lindore, gjë e cila shkaktoi aksidente të shumta.
Automjetet kanë mbetur të bllokuara në autostradë gjatë gjithë natës, kur temperaturat kanë rënë nën zero.
