Emiliano Domi, i riu 25-vjeçar shqiptar që tentoi të vriste nënën e tij në SHBA ka folur para hetuesve duke treguar edhe shkaqet e kësaj ngjarje. Ai ka deklaruar se ajo ka qeshur me të dhe kjo e ka nxehur ndaj e ka shtyrë në tokë.
Domi tha për hetuesit se kishte marrë një thikë kuzhine duke goditur nënën e tij dhe më pas ishte larguar edhe nga shtëpia.
Ai u shpreh se qëllimi i tij ishte ta vriste dhe u largua nga shtëpia nga frika se mos ajo kishte vdekur. Pak minuta më vonë Domi hyri në një furrë buke dhe filloi të bënte pyetje të cilat ngritën shqetësime te autoritetet.
Këto çuan në kontrollin në banesën e tij ku dhe u zbulua trupi i plagosur i nënës së tij. Domi akuzohet për dy sulme të tjera kriminale.
