LIGJET E BIZNESIT
Një ngjarje e rëndë u shënua mbrëmjen e kaluar në Tiranë në “Don Bosko”, ku u vra Erion Çela dhe mbetën të plagosur Arben Dani, 46 vjeç, i cili është plagosur në këmbë; Azbi Selimaj, 19 vjeç, i dëmtuar në shpatull; Edmond Crroj, 41 vjeç, i plagosur në këmbë dhe bark; Blerim Çela, vëllai i viktimës, i dëmtuar në fytyrë dhe këmbën e djathtë.
Mësohet se policia ka marrë në pyetje dy nga të plagosurit, 19-vjeçarin dhe Selimajn. Ata janë shprehur se nuk i kanë parë autorët, por vetëm breeshërinë e plumbave që erdhi në drejtim të tyre.
Dani, miku i viktimës ka treguar se personat që ndodheshin në tavolinë kishin ardhur nga Durrësi për t’u takuar dhe pirë kafe.
Autorët pas ngjarjes janë larguar me një automjet tip “Mercedes-Benz”, targat të cilës i kishin vjedhur para një muaji.
