Report Tv ka siguruar foton e të riut Erion Çela i cili mbeti viktimë e atentatit me armë zjarri pasditen e sotme në zonën e Don Boskos në Tiranë.
Siç shihet në foton e siguruar viktima duket i shtrirë në tokë brenda lokalit ku u qëllua me armë zjarri.
Ai ishte ulur me vëllanë, dajën dhe tre të afërm të tjerë, kur dikush zbriti nga nja “Benz” i zi dhe nisi të qëlloi me breshëri plumbash drejt tyre.
Autori ka qëlluar jashtë lokalit drejt tyre, ku fatmirësht plumbat kursyen një grua shtatzënë që ishte me ta.
46-vjeçari Arben Dani, vëllai i viktimës, 28-vjeçari Blerim Çela dhe daja i viktimës 41-vjeçari Edmond Crroj mbetën të plagosur. I pafat ishte kamarieri, që po i shërbente tavolinës së vetme që ndodhej në lokal. 19-vjeçari Azbi Selimaj u plagos në shpatull, por fatmirësisht është në spital, jashtë rrezikut për jetën.
Policia dhe grupi hetimor kanë rrethuar skenën e krimit për të mësuar më shumë për ngjarjen e rëndë, ndërsa pistat kryesore dyshohet të jenë prishja e pazareve të drogës.
