Ishte ulur në tavolinën ku u ekzekutua Erion Çela/ Gruaja shtatzënë i shpëtoi për mrekulli atentatit

Vrasja e Erion Çelës në një lokal në zonën e “Don Boscos”, këtë të martë pasdite shokoi kryeqytetin.

Ai ishte ulur me vëllanë, dajën dhe tre të afërm të tjerë, kur dikush zbriti nga nja “Benz” i zi dhe nisi të qëlloi me breshëri plumbash drejt tyre.

Autori ka qëlluar jashtë lokalit drejt tyre, ku fatmirësht plumbat kursyen një grua shtatzënë që ishte me ta.

46-vjeçari Arben Dani, vëllai i viktimës, 28-vjeçari Blerim Çela dhe daja i viktimës 41-vjeçari Edmond Crroj mbetën të plagosur. I pafat ishte kamarieri, që po i shërbente tavolinës së vetme që ndodhej në lokal. 19-vjeçari Azbi Selimaj u plagos në shpatull, por fatmirësisht është në spital, jashtë rrezikut për jetën.

Policia dhe grupi hetimor kanë rrethuar skenën e krimit për të mësuar më shumë për ngjarjen e rëndë, ndërsa pistat kryesore dyshohet të jenë prishja e pazareve të drogës.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern