Deputeti socialist kërcënon: Meta ka bërë tradhti kombëtare, duhet të shkojë në burg

Përplasja mes palëve sa vjen dhe bëhet më e ashpër.

Pas kundërshtisë së ashpër që i bëri Mazhoranca vendimit të Presidentit, Meta, vjen një tjetër deklaratë e fortë nga deputeti, Alket Hyseni.

Në emisionin “Byro politike” në Abc News, Hyseni tha se Meta ka bërë tradhti kombëtare dhe se për këtë gjë duhet të shkojë në burg.

“PS ka ndërmarrë dy nisma: Organizimi i një seancë me debat, me të gjithë organet përfshirë edhe presidentin, të enjten në parlament, dhe nisja e organizimit të procedurave, mbi 94 deputetë, për shkarkimin e presidentit, pasi presidenti ka bërë shkelje flagrante të kushtetutës. Pra presidenti ka bërë shkelje të kushtetutës dhe tradhti të vendit. Procedura e shkarkimit kalon në 2 etapa, pas votimit në kuvend për shkarkimin e tij, procedura vazhdon me kalimin e vendimit në gjykatën kushtetuese. Ngritja e gjykatës kushtetuese do të jetë proces shumë i shpejtë. Ilir Meta me këtë vendim nuk i dha të drejtën vetes për të qëndruar më në atë detyrë.”- tha Hyseni.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern