LIGJET E BIZNESIT
Gazetari Elton Qyno deklaroi se në lidhje me kapjen e 119 kg kokainë në kontenierin e një kompanie bananeje, hetimet janë të hapura.
Ai tha se ka pikëpyetje se si kokaina përfundoi në pakot me banane, pasi ato ngarkohen në Ekuador për të ardhur në vendin tonë.
Qyno shtoi se skaneri në Portin e Durrësit nuk ka mundur që ta kapë drogën, duke shtuar se ajo është kapur kur është afruar drejt kompanisë.
Qyno: Hetimet për këtë çështje janë të hapura, sepse ka pas ditë si operacion. Dihet se kush është kompania pritëse, ajo Bana King, apo Ziko Kompani që janë në hetim nga policia. Ka një sërë pikëpyetjes që fillojnë nga nisma e lëndës narkotike. Kokaina është gjendur në kutitë e bananeve dhe ngrihet dyshim se si është futur droga aty dhe për këtë gjë lindin dyshime se si është futur ajo te bananet. Një pjesë e këtyre të kutive janë vjedhur në Itali dhe më pas vijnë në Shqipëri, ku kalojnë në Portin e Durrësit ku nuk është gjendur asnjë pako kokainë.
Duket se në këtë rast skaneri ka bërë “qorrin” duke mos kapur mbi 100 kg kokainë. Kjo pjesë ngelet për tu verifikuar nga ana e policisë. Ka shumë pikëpyetje të tjera. Vetë shoferi i arrestuar në datë 28 dhjetor ka bërë 2 rrugë, duke sjellë dy kontejnerë. Në rrugën e dytë ai tregon se i kanë dalë 4 persona që i kanë shpuar gomat. Pritet nëse do të kemi persona të tjerë të ndaluar, apo bllokim të kompanive të bananeve. Rasti ka shumë gjasa që të kalojë në SPAK, duke qenë se kemi të bëjmë me një linjë trafiku të një grupi të strukturuar.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
