Bëri “të fortin” me policinë, procedohet penalisht zyrtari i lartë në këtë qytet të Shqipërisë

Policia ka nisur një procedim penal për drejtorin e Ujësjellësit në Përmet.

Ai akuzohet se nuk i është bindur urdhërit të efektivëve për parkimin e automjetit.

Uniformat blu bëjnë me dije se Florian Dauti, 30 vjeç kishte parkuar automjetin në mënyrë të parregullt dhe më pas ka kundërshtuar punonjësit e policisë.

NJOFTIMI ZYRTAR I POLICISE

“Nuk iu bind urdhrit dhe kundërshtoi punonjësit e policisë, duke e parkuar në mënyrë të parregullt automjetin, procedohet penalisht 30 vjeçari. Oficerët e Policisë Gjyqësore pranë Prokurorisë së Gjykatës së Rrethit Gjyqësor Përmet proceduan penalisht shtetasin F. D., 30 vjeç, banues në fshatin Frashër, Përmet(me detyrë drejtor i ujsjellësit në Bashkinë Përmet).

Shtetasi F. D., në datën 03.01.2022, në qendrën e qytetit të Përmetit nuk i është bindur urdhërit dhe ka kundërshtuar punonjësit e policisë pasi kishte parkuar në mënyrë të parregullt automjetin. Shtetasi i mësipërm u procedua penalisht për veprat penale “Kundërshtim i punonjësit të policisë së rendit publik” dhe “Mosbindja ndaj urdhrit të punonjësit të policisë së rendit publik”, thuhet në njoftimin e Policisë së Përmetit.