Shumë banorë në qytetin kinez të Xi’an janë gjetur në një situatë jashtëzakonisht të vështirë, pasi izolimi në të cilin ndodhen ditët e fundit për shkak të COVID. Duke mos qenë të lajmëruar më herët, kjo situatë ka çuar në mungesa në furnizimin me ushqime. Në këtë rast nuk është shteti që po i ndihmon ata por janë vetë me njëri-tjetrin.Me postimet në rrjetet sociale, banorët arrijnë deri në pikën që të shkëmbejnë madje edhe pajisje teknologjike për ushqim.
Rreth 13 milionë njerëz janë detyruar të futen në shtëpitë e tyre që nga 23 dhjetori dhe nuk mund të dalin më as për të blerë ushqime. Në këtë fazë bllokimi, autoritetet ofrojnë ushqim për familjet, megjithatë disa thonë se atyre u mbarojnë furnizimet shpejt ose se nuk kanë marrë ende ndihmë.
Fotot dhe videot në mediat sociale flasin vetë teksa tregojnë njerëz që shkëmbejnë cigare me lakër, detergjent për larjen e enëve, mollë apo letër higjienike për disa perime. Nga ana tjetër autoritetet po heshtin për mungesën e furnizimit me ushqime, por kanë pranuar se nuk ka staf të mjaftueshëm për të shpërndarë mallrat e nevojshme.
