Hajdutët bëjnë “namin” në Korçë, hyjnë në shtëpi pas festave e vjedhin ç’të mundin

Një grup hajdutësh janë arrestuar nga Policia e Korçës pas mbledhjes së provave të mjaftueshme. Tre personat janë konstatuar duke grabitur një shtëpi më mbrëmjen e 3 janarit në lagjien numër 10 dhe 18 të qytetit.

​​Sipas njoftimit nga policia, ata kanë vjedhur disa televizorë plazma, bizhuteri, shuma parash, tableta dhe sende të tjera të vlefshme. Ndërkohë pjesë e grabtjes kanë qenë edhe tre shtetas të tjerë në muajin gusht dhe tetor të vitit që lamë pas, po nga e njëjata bandë.

Njoftimi i Policisë:

Shërbimet e Komisariatit të Policisë Korçë, në vijim të punës për zbardhjen dhe dokumentimin e disa vjedhjeve në banesa dhe biznese, të ndodhura së fundmi në qytetin e Korçës, bënë të mundur kapjen e autorëve të dyshuar të ngjarjeve konkretisht shtetasve O. K., 43 vjeç; M. Q., 42 vjeç dhe Xh. P., 37 vjeç, banues në Korçë.

Këta shtetas në bashkëpunim mes tyre më datë 03.01.2022, në lagjen nr. 10, Korçë, kanë vjedhur në banesën e shtetasit I. R., një televizor plazma, dy tableta dhe disa bizhuteri floriri.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nga veprimet e mëtejshme hetimore, dyshohet se tre shtetasit e mësipërm janë autorë edhe të ngjarjeve të mëposhtme të ndodhura në lagjen nr. 18, Korçë. Konkretisht më datë 30.08.2021, në banesën e shtetasit N. X., kanë vjedhur një televizor plazma dhe disa orendi bakri, më datë 08.10.2021, në dyqanin e shtetasit E. K., një sasi lekësh dhe në lokalin e shtetasit Sh. I., një televizor plazma.