Foshnja e parë për këtë vit/ Prindërit zbulojnë kuptimin e veçantë të emrit të vogëlushit 

Fëmija i parë për këtë vit  në maternitetin “Mbretëresha Geraldinë” ishte djalë! Mjeku Artur Hatibi njoftoi se fëmija erdhi në jetë me operacion por gjendja shëndetësore e nënës dhe bebes është e mirë.

Akidi erdhi në jetë në orën 24:00 dhe ishte fëmija i parë i dy prindërve të rinj. “Është fëmija i parë. Akid e ka emrin, është djalë. Falënderoj shumë stafin mjekësor. Edhe ju uroj të gjithë shqiptarëve, gëzuar!”, tha nëna midis emocionesh.

Ndërkohë, babai i të porsalindurit u shpreh; “Në fakt është i vjetër, por edhe inovator pasi bashkëshortja i nis emri me A, dhe unë e kam me K, ndërsa ‘id’ është ID-ja”.

Nëpërmjet postimeve në rrjete sociale, Kryeministri Rama dhe ministrja Ogerta Manastirliu kanë uruar Akidin dhe Aiden, foshnja e parë e vitit 2022 në maternitetin “Koço Gliozheni”.