E rëndë në Greqi/ Humb kontrollin e makinës dhe përmbyset në rrugë, humb jetën shqiptari me gruan (EMRAT)

Një aksident i rëndë automobilistik ka ndodhur në Athinë të Greqisë.

Mësohet se viktimë kanë mbetur një 27-vjeçar nga Saranda dhe e shoqja e tij.

Ngjarja u shënua pak pas mesnatës së djeshme, ku mjeti që po lëvizte shqiptari ka humbur kontrollin e si pasojë është përmbysur në vendin e quajtur Leoforo Katexaki në Zografou.

Viktima është identifikuar si Pandeli Llambi Kajo, me origjinë nga Saranda, ndërsa bashkëshortja e tij, e cila gjithashtu ka ndërruar jetë është identifikuar vetëm si një 24-vjeçare, Në operacionin për nxjerrjen e trupave morën pjesë 10 zjarrfikës dhe 4 mjete.

Sipas informacioneve se i riu kishte shkuar në Ilioupoli që të merrte të shoqen për të dalë në Athinë, e në kthim është aksidentuar.